Die Kranksinnige

In hierdie sel
agter die grense
van die vel
en die hoë
vensters van die oë
is twee mense:
die een is gek,
die ander, ek.

Dis hy wat kerm en gil
maar ek is bang en stil.

In elke klein uur van die nag
veg ek teen hom met minder krag
en as hy wen dan skree hy uit
sy wrok teen God en wêreld uit.

In hierdie klein vertrek
van vlees en been,
is twee.

Die een is gek,
die ander, Ek.

(SJ Pretorious)